Een Paster keem mal op een Buurnhoff.Dat wer grad Meddagstied. In de Köck röckt dat heel good, dat gev Grönkohl, de Pann mit Grönkohl stün all op´n Disch. De Buurfruu lod den Paster toon Eeten in, he frei sick bannig, much he doch vör sin Leben geern Grönkohl ut de Pann. Neben Grootmudder wer noch een Platz free. He kreeg een Gobel in´ne Hann un lang denn ook düchtig too. De Paster keem ook vun Buurnhof un so wüß he, wi dat weer, ut de Pann to eeten. He lang ümmer noch mal to, veer-fiefmal, do mit´n mal kreeg he een Stück Speckschwort twischen de Tähn un fung an, ´n beten wat hoch to kaun. Dat markt Grootmudder. " Na, Paster" seggt see, "hebbt Se de Speckschwort tofaaten kreegen? Leggen Se de man wedder in de Pann trüch ! Ick heff de eben ook all hatt."

Quelle: "Frohe Feste feiern wir" , gesammelte Beiträge und Lieder zum Vorlesen und Vortragen von Annekatrin Detlef, Detlef-Verlag, ISBN 3-9802267-3-5